பரிமாறிக் கொள்ளநேர்ந்த பொழுதொன்றில்
உன்னால் தயாரித்தளிக்கப்பட்ட தேனீர் கோப்பையிலிருந்து
கசிந்துருகியது எதிர்பார்பற்ற நேசம்
இருத்தலின் பேரமைதி உடைத்து
தேடியபோது வெளிப்பட்டது இருவருக்குமான ஒரே வார்த்தை
நமக்கான இடைவெளிகளினூடே
வந்திறங்கிய பேரிடியொன்றின் கனம் பொறுக்காது...
வெளியேறின கால உறைக்குள் கிடந்த சாத்தியங்களனைத்தும்.
ஆடைகளின் அழுக்ககற்றி...
புகைபடிந்த பாத்திரம் தேய்த்து
களைத்துப்போன உனது விரல்களனைத்தும்
எனை மேவிக்கொள்ளும் ஆகச்சிறந்த தருணமது.
துயரங்கள் ஊர்ந்துபோகும்
உனது காலமறியாது, அவசரம் கூட்டுகிறேன்
சாத்தானின் மனநிலையோடு கணினி இயக்கி
பெருநகரவீதிகளில்...
எனக்கான ஆயுளை நீட்சியடைய செய்ய...
அநேக கடவுளர்களிடம் மண்டியிட்டு பிரார்த்திக்கும்
உனைப்பற்றி அறிய நேர்கையில்
பனிபடர்ந்த குளிர்நாளொன்றில்
பசிப் பொறுக்காத நாய் குட்டியாய்...சுருண்டு அடங்குகிறேன்.
உன் நினைவணைத்து...
உன்னால் தயாரித்தளிக்கப்பட்ட தேனீர் கோப்பையிலிருந்து
கசிந்துருகியது எதிர்பார்பற்ற நேசம்
இருத்தலின் பேரமைதி உடைத்து
தேடியபோது வெளிப்பட்டது இருவருக்குமான ஒரே வார்த்தை
நமக்கான இடைவெளிகளினூடே
வந்திறங்கிய பேரிடியொன்றின் கனம் பொறுக்காது...
வெளியேறின கால உறைக்குள் கிடந்த சாத்தியங்களனைத்தும்.
ஆடைகளின் அழுக்ககற்றி...
புகைபடிந்த பாத்திரம் தேய்த்து
களைத்துப்போன உனது விரல்களனைத்தும்
எனை மேவிக்கொள்ளும் ஆகச்சிறந்த தருணமது.
துயரங்கள் ஊர்ந்துபோகும்
உனது காலமறியாது, அவசரம் கூட்டுகிறேன்
சாத்தானின் மனநிலையோடு கணினி இயக்கி
பெருநகரவீதிகளில்...
எனக்கான ஆயுளை நீட்சியடைய செய்ய...
அநேக கடவுளர்களிடம் மண்டியிட்டு பிரார்த்திக்கும்
உனைப்பற்றி அறிய நேர்கையில்
பனிபடர்ந்த குளிர்நாளொன்றில்
பசிப் பொறுக்காத நாய் குட்டியாய்...சுருண்டு அடங்குகிறேன்.
உன் நினைவணைத்து...